…….. سلام م الروح ………..
سلام م الروح إليك روحى
يا غاية عقلى وجموحى
وهمى ف كل أيامى
تشارك قلبى إحساسه
منايا و فرحى وطموحى
يا عقل الحب وجنونى
أكونلك إمتى لحظة حبيب
وتسمع للى ف عيونى
يا ديما نفسى تبقى قريب
سلام م الروح إليك ياللى
لقاك غيرنى وتملى
ألامح ليك بلهفى عليك
وقلبك برضه ولا مالى
لكنى معاك وهاستناك
تحس بقلبى وتقدر
وتفهم إن فيا هواك
مدوب شخصى ومسيطر
يا عقل الحب وجنونى
أكونلك إمتى لحظة حبيب
وتسمع للى ف عيونى
يا ديما نفسى تبقى قريب
سلام م الروح ياليل وناس
هواك ف القلب والأنفاس
بيجرى ف فكرى وف دمى
يا عندى إنت أغلى الناس
حياة قلبى ويا أجمل روح
تعبت كتير ف دق الباب
وإمتى الباب يصير مفتوح
عشان نبقى بصحيح أحباب
