مسابقة شعر العاميه
محمد زكريا حبيشي
محافظة الشرقيه
سِلـّك شايك جوه مني مَرّمي ف القلب بغزاره
لحظه بيداعب ضميري لحظه بكـّاني بمراره
ساعة بينوٌَر حَواري ضَلمه فيّا
ساعة بيخبي حقايق عِشت جواها بقذاره
سلك بيحاول ثواني يقلب الباطل حقيقه
سلك بيِّن ليّا فجأه كل افعالي بريئة
هو عارف نقطة الضعف اللي فيّا
رغم طول الوقت غافر ليّا أفعال الخطيئة
لسه بيعيشني دايماً وسط حالة إنفصام
ثانيه فيها ألاقي نـَفسي ساعه بيتوه الكلام
كل شبر ف قلبي غرقان جوه حيره
عشت تايه طول حياتي ف الحلال أو بين حرام
ليه ما فاتشي ليّا فرصه فيها اثبت صدقي ليـِه
مره يقرآني بسهوله .. مره يغّصِب فِكري ليه ؟
عقلي رافض جوه مني كام إجابه
قلبي بيدوٌر بقوٌه ع اللـي فيّّا مش لاقيه
سلك بيعافر ويبني جوه مني سد عالي
لجل ما يغيّر ف صورتي جوه بالي
ف المقابل يكشف المستور ويرحل
ف النهايه فيه صراع جوايا وملازم خيالي
