ط
مسابقة الشعر العامى

سوق الحلاوة مسابقة شعر العامية بقلم / حاتم سليمان

للمشاركه بالمسابقه
شعر بالعاميه
بعنوان : سوق الحلاوه
حاتم سليمان – مصر – 01008220219

وزمان قالو السفر فيه سبع فوايد
علشان اجيب المهر وهدايا وانا عايد
لازم ادوق المر . من كره ومكايد
سوق الحلاوه جبر ……………………… والحظ مش رايد
فت الصحاب والأهل رحت مع الرايحين
قلت ده مشوار سهل يخلص في غمضه عين
دقت مرار الصبر . رب العباد شاهد
سوق الحلاوه جبر ……………………… والحظ مش رايد
انا قلت جرب تسافر سنتين مش زايد
عشان تكون نفسك العرف ده سايد
ضاعت سنين العمر والهم اتزايد
سوق الحلاوه جبر ……………………… والحظ مش رايد
انا كنت قبل السفر بين الصحاب قايد
فن ومهاره وكمان شطاره للجميع فايد
سبت الرياده ويا السعاده والفرح مش رايد
سوق الحلاوه جبر ……………………… والحظ مش رايد
سبت البلد سنوات للمال انا رايد
حب البلد بالذات في قلبي كان قايد
طعم الحلا لو زاد حب الوطن زايد
سوق الحلاوه جبر ……………………… والحظ مش رايد
انا شفت مره السوق من النور كان قايد
ادي الحلاوه ياذوق سكرها بان زايد
انا قلت كفايه هم
عاوز حلاوه ياعم
رحت اشتريت المر . البخت كان صايد
سوق الحلاوه جبر ……………………… والحظ مش رايد

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى