شرط الحياة لو تسمحي اني اعشقك ضمة بيوت زحمة مشاعر لسه بكر
وزقزقة على غصن توت
سجدة حروف بين السطور
نابتة ف احضان السكوت
تطرح ساعات الشوق لقا
متشوقة يبقالها صوت
على دقة من قلبك نغم
من غيرها كل الكون يموت
شرط الحياة عقدين امل
يبدر ف قلب الكون براح
م العتمة يغزل الف ضي
على بكرة جاي ب 100 صباح
والشمس باعتة النور شراع
وبكل رقة بينتظر منك سماح
سواح وعينك مرسا على مينا
مجداف سفينة وضحكتك ملكوت
وازاي يموت النبض جوايا
وانا عمري اية وصوت غنايا سكوت
قدام جنابك لسه بيربع ايديه
ويهز راسه بالموافقة كأنه بنت بنوت
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
