ط
الشعر والأدب

شفت فيكى .قصيدة للشاعر / محمد ثروت

قصيدة بعنوان ……. شفت فيكى

لما عينى جت فى عينك
الحياه رجعت لى تانى
شفت فيكى الفرح كله
وأبتسم عمرى وزمانى
مهما ما أقولك ع اللى حاسه
مش هأقول إحساس ملانى
كل دقه ف قلبى ليكى
بتصالحنى على الأمانى
واللى شوفته فى قربى منك
شئ جميل غير لى حالى
أرتوى قلبى بحبك
وإنشغل بيكى ف ثوانى
يالا بينا نمحى خوفنا
ياما عشنا سنين نعانى
نزرع الورد ف قلوبنا
ننسى خوفنا م الليالى
أنت أجمل حاجة غاليه
سحرها ساكن خيالى
إبتدا حلمى ف سماكى
يرسم الحب ف أغانى
والزهور هيمانا بيكى
والربيع غنا عشانى
قلبى سلم ليكى وحدك
وأرتوى بحبك زمانى
عمره مرة ماحس قبلك
ب اللى حاسه معاكى تانى

كلمات الشاعر محمد ثروت

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى