ط
مسابقة الشعر العامى

شهـــرازادك..مسابقة الشعر العامى بقلم / هبة شعبان من مصر

الأسم/ هبه شعبان محمود
الدولة/مصر -محافظة الجيزة
الأميل: [email protected]
الفئــة / شعر عــامى

شهـــرازادك
** *** ***
قالوا ف سنيننا اللى فاتت
شهرازاد الحب ماتت
والليالى صوتها ساكت
والقمر خنقـــاه الغيوم
شهريــار أنا شهرازادك
قلبى زار بالشــوق بلادك
عمرى يوم مانسيت ميعادك
ألف ليلة وألف يوم
شهرزاد اللى ف عنيها
الحياة اللى حلمت بيها
ولياليك بين إيديها ..نورت زى النجـــوم
** **** ************ *****
يا أمير كل الليــالى
خد حكـــايتى واحكيهالى
قلبى أوســـع من خيالى .وحبى أكبر م اللزوم
ع الخريطــة ضاع مكانى
والزمــان رجعنى تانى
رِق لحكايتى وحنــانى وانسى ويايا الهمــوم
رَيــح السيــاف شوية
قلبى مش هيخاف علية
أصلى مش فى زيارة جية ..يمكن الحكايات تـــدوم
هبه شعبان

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى