ط
الشعر والأدب

صايم عن العشق للشلعر / كمال كرباش


صايم عن العشق

أنا اللى عاشق الضحكه
وبشوف اﻷمل بكرة
وبتحرى كل ليلة الرؤيه
وبستنى هﻻلك أن يبان.

اصل قمرى هو أنت
وخايف أنى أصوم عنك
ويكون سحورى نظرة منك
وأنوى بعدها صيام.

والصايم بيفطر على تمرات
وانا فطارى يكون نظرات
وليلة القدر بالنسبه لى
تكون فى الليله اﻻولى.

عشان وقتها أدعى
وتكون صﻻتى ودعائى
بأنك بﻻش تفارقينى
فبعد البدر فى تمامه
القمر بيبدأ فى النقصان.

وأعتكف فى أخر ايامه
عن الدنيا وكل صبايا الكون
وأقول يمكن أنى أكون
بأصلى فى محراب عاشق
أو هايم أو مجنون.

ولو أنا مجنون
مفيش حاجه حاتجوز لى
ومشيت وقتها على قدمى
أسير بﻻد وانا بهذئ
وأخر هذيانى بقى ضحكه.

وبقيت بمشى وأنا بضحك
من وقتها
أصبحت عاشق الضحكه
وكل اللى بيشوفنى
بيقوللى أن ميجوزش لى صيام.

ويقولوا زكى عن نفسك
وخرج كمان صدقه
وحاول أنك كمان تعطف
على محتاج ولو محتاج
انك تتوب
تقوم كمان تتطهر.

وتتوضأ من عين كماء زمزم
وماتنساش تخلى كل السنه رمضان
عشان الحسنه بتتضاعف
وانت فى حاجه لكام حسنه
وايام وحايبقى العيد قدامنا
وانا عيدى لما أفرح بلقياكى.

فلو غبتى حاتكون غابت الفرحه
أنا سامع صوت آدان وأقامه
يبقى الوقت حان
أنى أنوى صيام عن الكﻻم.

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى