ط
الشعر والأدب

صباح العيد …قصيدة للشاعر / محمد خليل


صباح العيد
ولبس جديد
مع المراجيح
ومركب جوه نهر النيل
صباح الدنيا فرحانه
صوانى الكحك دواره
ع الجيران
صباح الشله سهرانه
صلاة العيد
صباح حمص مع ترمس
ونص فسيخ
جناين مصر فتح الحضن لجل العيد
يارب تمم لنا الفرحة
وابعد عنا حسدنا
وخلى الدنيا ضحكلنا
ومن خيرنا يارب تزيد
صباح العيد
صباح العيد ع جنودك
ع حدودك
راسمين الفرحه بخدودك
وكل يوم تلاقى شهيد
صباح العيد ع روحهم
فى جنة ربى مطرحهم
عايشين ف قلب المصريين
صباح العيد
يارب تعيد
لمصر الام امجدها
صباح العيد

محمد خليل
صباح العيد/ يامصريين

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى