……. صباح نادى …………
صباح نادى بدون تزييف
وأنا ف حبك أكيد حريف
بحبك يامصر يابلد الخير
عاشق مدنك وحتى الريف
بحب الدنيا فى صباحك
أنا بلسم دوا جراحك
أنا هرمك وأنا نيلك
وأنا عاملك وفلاحك
أنا غصنك وبستانك
يامحلى جمالها ألوانك
ودا شعب يامصر عظيم
وكرمه دليل لعنوانك
على ضحكة طفل ورضيع
على بسمة إعلامى مذيع
ياحروف محفوظه ف القرأن
أنا ف أمنك وعمرى ماضيع
أنا مصرى أكيد محظوظ
ومن بلدى نجيب محفوظ
يابلد الفن والأدباء
طفل وشاب وحتى عجوز
أنا طول عمرى بغنيلك
وسر حياتى من نيلك
يامصر يادنيتى وعمرى
على راسى يابلدى هشيلك
===================
الشاعر عيسى عبد الرؤوف
