الاسم:داليا أحمد رجب محمد
محافظة الدقهلية المنصورة
المجال :شعر عامى
المشاركة:صراع النفس
التعريف بالعمل:يصيغ هذا العمل الصراع الداخلى بين جانبى النفس البشرية والتى تتصارع داخل كل شخص صراع بين واقع شخصيتى وبين ما أتمنى أن أكون ويصور هذا العمل أنا وأنا جانبى النفس البشرية بشخصين يتحاكمان ويخرجان مكنون صدورهم والحكم هو أنا من يحتضن كلتا الشخصيتين
(صراع النفس)
لما أنا وأنا قالولى خلاص تمام آن الأوان
نعمل معاهدة للسلام
بس اسمعينا واحكمى من غيرملام
ولو قدرتى تحددى مين اتظلم ونشك انك تقدرى
اصل الحكاية مركبة ومفككة عايزالها واحد عبقرى
بس تمام
رديت وقلت أولا نقطة نظام
هسمع حكاية كل واحد باهتمام
بدأ أنا يحكى حكايته من الميلادثم الفطام
مخترش اسمه شكله رسمه لازمان ولا مكان
ماشى فى جسر طويل محدد حدده رب الأنام
راضى وعايش طول حياته
من غير شغب حاضر تمام
قالولوا تتعلم يا ولدى لأجل ماتبأى همام
ولما خلص جامعته صدمه النظام
اصله قاعد جوه بيته والشهادة عالحيطان
حتى الوظيفة اللى لقاها غيره واتحرم منها كمان
كانت مفيش ليها علاقة بالدراسة والعلام
واضطر صاحبنا الهمام يشتغل فى اى حاجة والسلام
مندوب يبيع كل مايبيع قطعة تانية
ياخد عمولة فلوس مهولة فلوس حرام
أصل كل بضاعته وحشةوالبضاعة الحلوة
مش محتاجة واسطة أو كلام
بعدها أهله قالوله آن الأوان لازم تكمل نص دينك
تفرح وتتجوز أوااااااام
قام قعد فى صالون مدهب وفى عينه نظرة امتنان
أصل بنت حلال قصاده شكلها عجبه وتمام
ودبسوا بعض ياعينى فى قايمة من الطلبات أوام
تاه فى بحر عميق يقاسى كل مايخلص يلاقى
نط تانى طلب جديد كل يوم طلبات تزيد
بس هانت جه أخيرا يوم جوازهم أحلى عيد
ناس تهنى وناس تغنى وناس بترقص بجنون
ناس بتتكلم عليهم يااااااه دى رشقاهم عيون
لبسها ماكياچها يووووه تستحق ١٠٠شابووووو
وناس جميلة فى حالها خالص جاية تأكل الجاتووو
المهم صاحبنا روح بيته وعروسته فى ايده
واتبسط بعروسته طبعا وإلتهم كل الحمام
وابتدت طبعا مشاكله والجيران سمعوا الكلااام
بس طبعا ده ملوش معنى وإفادة عندهم
حتى لو مش مبسوطين عادى مش ده همهم
وببساطة ضحكة حلوة تترسم للحفاظ على شكلهم
فيه عيال جايينلهم والحياة بعد العيال تختلف
مفيهاش جدال يبأى بابا وتبأى ماما
جدو تيتا وحاجة عااااال
زادت المصاريف أكيد حاجة فوق الاحتمال
حفاضات لبن دكاترة والمدام معدتش قادرة
هو قاعد يجرى جوا دوامة الحياة
شكله مش مبسوط ياعينى وهى بتعافر معاه
هى دى حكايته الطويلة اللى مكتوبة عليه
أما نشوف أنا التانى حكايته هتبأى ايه
بدأ أنا التانى بدوره يحكى عن نفسه يقول:
بحلم بروح طائر محلق مطلق خياله للعنان
عايش مثالى كتير خيالى وفى أوان غير الأوان
أديب مفكر عالم مطور عبقرى عازف كمان
راقص على صوت البلابل فنان وشاعر كتلة مشاعر
متلاقيش جوه قاموسه حدود زمان ولامكان
عصفور مغرد أو فراشة وحاضنة وردتها بحنان
برسم وأخطط بريشة ناعمة من وقت ماكنت صغير
شكل لحياتى وأقول لنفسى امتى يمر الوقت وأكبر
أصل سنى اللى مانعنى لوكبرت كنت هقدر
عندى حماس على أد سنى طول مابكبريبقى أكتر
وأما كبرت لقيتنى تايه جوه خانة المستحيل
زى غيرك عيش ووافق ده الرضا طبع الأصيل
اوعى تتمرد وترفض تبأى ناكر للجميل
لا ياعالم مش تمرد مش طمع ولا رفض لااااا
هو حقى أختار لنفسى شكل ليا فى الحياة
خطواتى أمشيها فى مكانى مش طريق عام للمشاة
من غير قيود من غير سدود أكتشف طعم لحياتى
أكتشف ذروة نشاطى و أكتشف ذروة ثباتى
ده الكون بحاله ربى جعله سره كامن جوه ذاتى
خليفةأنا لله فى أرضه انطوى جوايا كون
بأى حق تفرضوا وتقرروا لحياتى لون
وأما أدى لنفسى فرصة أكون عظيم
تكسروا وتهدوا فيا تحولونى لشىء عقيم
نسخة باهتة لورقة فاضية جوه درج كبير قديم
اوعى تخرج عن حدودك اوعى من الناس والكلام
مجتمعنا ونظرته تمنعك حتى لو كان مش حرام
ضيق أفق قتل مواهب حصر طاقة شد جاامد اللجام
إخرس الألسن وطبعا اى فكر مضاد لفكرى مش تمام
بعد فترة من الجدال والنضال ومحاولتك للنجاح والوصول
تلاقى تيار عكس سيرك لامش تمام ومش أصول
خلاص فهمت خلاص تأكدت وعرفت
شفت نفسى خلاص بعينك لما عجزت وكبرت
ايوه وضع قديم وثابت مش هتقدر عنه
أبدا يوم تحيد لو حاولت
هى خطوات للجميع ماشى فيها بكل دقة وثبات
لو تحيد عنها شوية تلاقى مجموعة صفات
توصمك وتتركك تنزف لوحدك من جروحك
مقسوم وتايه لاإنت عايش زى غيرك
ولا لاقى نفسك اللى راسمهاطموحك
عايش بجسم يأكل ويشرب
بس خرجت منه روحك
جه أنا وأنا قصادى بعد ماسمعتينا قولى شايفه ايه؟
ضحكة جواها شجن تعقبها تفتكرواهيبأى رأيى ايه؟
حتى لوشفت الحقيقة بعدماأعلنها عليكم هتفرق ايه؟
الأهم خلاص نحافظ عالمعاهدة والسلام
حلوة أو مرة نعيشها هى مرة والسلام
خلص الكلام ليكم سلام
لما أنا وأنا قالولى خلاص تمام آن الأوان
نعمل معاهدة للسلام
بس اسمعينا واحكمى من غيرملام
ولو قدرتى تحددى مين اتظلم ونشك انك تقدرى
اصل الحكاية مركبة ومفككة عايزالها واحد عبقرى
بس تمام
رديت وقلت أولا نقطة نظام
هسمع حكاية كل واحد باهتمام
بدأ أنا يحكى حكايته من الميلادثم الفطام
مخترش اسمه شكله رسمه لازمان ولا مكان
ماشى فى جسر طويل محدد حدده رب الأنام
راضى وعايش طول حياته
من غير شغب حاضر تمام
قالولوا تتعلم يا ولدى لأجل ماتبأى همام
ولما خلص جامعته صدمه النظام
اصله قاعد جوه بيته والشهادة عالحيطان
حتى الوظيفة اللى لقاها غيره واتحرم منها كمان
كانت مفيش ليها علاقة بالدراسة والعلام
واضطر صاحبنا الهمام يشتغل فى اى حاجة والسلام
مندوب يبيع كل مايبيع قطعة تانية
ياخد عمولة فلوس مهولة فلوس حرام
أصل كل بضاعته وحشةوالبضاعة الحلوة
مش محتاجة واسطة أو كلام
بعدها أهله قالوله آن الأوان لازم تكمل نص دينك
تفرح وتتجوز أوااااااام
قام قعد فى صالون مدهب وفى عينه نظرة امتنان
أصل بنت حلال قصاده شكلها عجبه وتمام
ودبسوا بعض ياعينى فى قايمة من الطلبات أوام
تاه فى بحر عميق يقاسى كل مايخلص يلاقى
نط تانى طلب جديد كل يوم طلبات تزيد
بس هانت جه أخيرا يوم جوازهم أحلى عيد
ناس تهنى وناس تغنى وناس بترقص بجنون
ناس بتتكلم عليهم يااااااه دى رشقاهم عيون
لبسها ماكياچها يووووه تستحق ١٠٠شابووووو
وناس جميلة فى حالها خالص جاية تأكل الجاتووو
المهم صاحبنا روح بيته وعروسته فى ايده
واتبسط بعروسته طبعا وإلتهم كل الحمام
وابتدت طبعا مشاكله والجيران سمعوا الكلااام
بس طبعا ده ملوش معنى وإفادة عندهم
حتى لو مش مبسوطين عادى مش ده همهم
وببساطة ضحكة حلوة تترسم للحفاظ على شكلهم
فيه عيال جايينلهم والحياة بعد العيال تختلف
مفيهاش جدال يبأى بابا وتبأى ماما
جدو تيتا وحاجة عااااال
زادت المصاريف أكيد حاجة فوق الاحتمال
حفاضات لبن دكاترة والمدام معدتش قادرة
هو قاعد يجرى جوا دوامة الحياة
شكله مش مبسوط ياعينى وهى بتعافر معاه
هى دى حكايته الطويلة اللى مكتوبة عليه
أما نشوف أنا التانى حكايته هتبأى ايه
بدأ أنا التانى بدوره يحكى عن نفسه يقول:
بحلم بروح طائر محلق مطلق خياله للعنان
عايش مثالى كتير خيالى وفى أوان غير الأوان
أديب مفكر عالم مطور عبقرى عازف كمان
راقص على صوت البلابل فنان وشاعر كتلة مشاعر
متلاقيش جوه قاموسه حدود زمان ولامكان
عصفور مغرد أو فراشة وحاضنة وردتها بحنان
برسم وأخطط بريشة ناعمة من وقت ماكنت صغير
شكل لحياتى وأقول لنفسى امتى يمر الوقت وأكبر
أصل سنى اللى مانعنى لوكبرت كنت هقدر
عندى حماس على أد سنى طول مابكبريبقى أكتر
وأما كبرت لقيتنى تايه جوه خانة المستحيل
زى غيرك عيش ووافق ده الرضا طبع الأصيل
اوعى تتمرد وترفض تبأى ناكر للجميل
لا ياعالم مش تمرد مش طمع ولا رفض لااااا
هو حقى أختار لنفسى شكل ليا فى الحياة
خطواتى أمشيها فى مكانى مش طريق عام للمشاة
من غير قيود من غير سدود أكتشف طعم لحياتى
أكتشف ذروة نشاطى و أكتشف ذروة ثباتى
ده الكون بحاله ربى جعله سره كامن جوه ذاتى
خليفةأنا لله فى أرضه انطوى جوايا كون
بأى حق تفرضوا وتقرروا لحياتى لون
وأما أدى لنفسى فرصة أكون عظيم
تكسروا وتهدوا فيا تحولونى لشىء عقيم
نسخة باهتة لورقة فاضية جوه درج كبير قديم
اوعى تخرج عن حدودك اوعى من الناس والكلام
مجتمعنا ونظرته تمنعك حتى لو كان مش حرام
ضيق أفق قتل مواهب حصر طاقة شد جاامد اللجام
إخرس الألسن وطبعا اى فكر مضاد لفكرى مش تمام
بعد فترة من الجدال والنضال ومحاولتك للنجاح والوصول
تلاقى تيار عكس سيرك لامش تمام ومش أصول
خلاص فهمت خلاص تأكدت وعرفت
شفت نفسى خلاص بعينك لما عجزت وكبرت
ايوه وضع قديم وثابت مش هتقدر عنه
أبدا يوم تحيد لو حاولت
هى خطوات للجميع ماشى فيها بكل دقة وثبات
لو تحيد عنها شوية تلاقى مجموعة صفات
توصمك وتتركك تنزف لوحدك من جروحك
مقسوم وتايه لاإنت عايش زى غيرك
ولا لاقى نفسك اللى راسمهاطموحك
عايش بجسم يأكل ويشرب
بس خرجت منه روحك
جه أنا وأنا قصادى بعد ماسمعتينا قولى شايفه ايه؟
ضحكة جواها شجن تعقبها تفتكرواهيبأى رأيى ايه؟
حتى لوشفت الحقيقة بعدماأعلنها عليكم هتفرق ايه؟
حلوة أو مرة نعيشها هى مرة والسلام
خلص الكلام ليكم سلام
