ط
مسابقة الشعر العامى

ضعف الحنين..مسابقة الشعر العامى بقلم / غاة ابراهيم من مصر

خــاص بــ مسابقة / الشعر العــامي ..

قصيدة / ضعف الحنين .. /

،،

بــ ياخدني شـــُــوقي للخـــُـــطىَ فــ نفس المكان واتذكرك

واسألني انا احساسي خان ؟

وللا الحنان من قوته كان جوه فيك وبيكسرك !!

واسألــني تاني ..

رغم اني بحتاجلك اوي .. ليه عمر قلبي ما حس انه بــ يخسرك ..؟؟!

وادور على آثار خطوتك

واتخيلك

واتأملك

واسأل واقول

ليه كنت بجرح فيك اوي والجرح عمره ما غيرك ..؟؟!!!

وليه كـــُـــنتلي مخلص اوي مهما اجرحك او اعذبك

ايــــه شفــــــــــــــــــــــــــته مني بــــــ يعجبـــــــــــــــك ….؟؟؟!!!

بس انت عارف ؟؟ .. بحسدك

على قوتك

طيبة مشاعرك ،

رقتك ،

حنيتك

قلبك الصابر اوي مهما اتعبك

وجايز اكون عمري فــ حياتي ما قلتلك .. “اشتقتلك”

يمكن اكون مستـــــــــــكبره !!

او اي كلمه هتحكي عنك تبقى كلمه صغيره

وجايز تكون عودتني كل الغرام يسكن مشاعرك وحدها

وابقى فــ عنيك نجمة سما ولا قبلها ولا بعدها

ويعيش ياخدني الشوق هنا فــ نفس المكان واتذكرك

وكل اللي كان منك حنين دايما فــ عيني يكبرك

وانا لو معايا الكون بحاله انا برضه بحتاجلك اوي

بلاقيني ورده دبلت خلاص بس بــ حنينك ترتوي

وارجع واعودلك واندهك

وتجيني تاني واجرحك

ويمكن تعيش العمر كله لجل راحتي وعمري كله مااريحك ..!

ماعرفش ليه ..!

بس انت ايه !

دايما فــ عيني كبير اوي

ولو حد فينا ضعيف قوي ..

يبقى انا وانت القوي بــ اخلاص جميل بــ يصـــبرك

وضعف الحنين كان قوتك .. وبجد عمره ما صغرك …!!

_________________________________________________

غـــادة إبــراهيم

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى