ط
الشعر والأدب

طريق عكسى . من روائع شعر العامية للشاعر / على مدكور


طريق عكسى

تودينى ف طريق عكسى
وتوعدنى بكلام فاضى
وتتعب بالخداع نفسى
وتتمادى وانا راضى
واقولك إيه

مادام اخترت تتعبنى
وتوجعنى ف إحساسى
وبالإهمال تغلِّبنى
وتسقينى مرار كاسى
هيصمت همسى ف وجودك
ومهما كان نغم عودك
هيسكت حسى واتمنع
منيش فاضى

وخدت قرار يريحنى
ويضبط رتم أنفاسى
فطمت القلب عن حبك
منيش محتاج غرام منك
ومش عايز أكون جنبك
وهاتبغدد بعيد عنك
واشوف نفسى
وهارسم قلب يأوينى
ف كراسى

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى