ط
مسابقة الشعر العامى

طلب لجوء..مسابقة الشعر العامى بقلم / أحمد رمضان جاب الله من مصر

الاسم: احمدرمضان جاب الله
تيلفون: 01091497556
الدولة: جمهورية مصر العربيه
الفئة: شعر_عامي
عنوان القصيد: ‏طلـــــــــب_لجــــــوء‬
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
انتي لما دخلتي قلبي
كنتي داخله باللجوء
كنتي طالبه تستخبي
من مطاردة اهل سوء
،،،،،،،،،،،،،،،،،،،،،
قولتي محتاجه لـ امنك
قولتي محتاجه افوء
حتي لما وصفتي ليلك
شوفتة مشتاق للشروق
،،،،،،،،،،،،،،،،،،،،،،
اتخدعت بالمظاهر
واتخدعت ف الكلام
شوفت فيكي وش طاهر
جي طالب السلام
،،،،،،،،،،،،،،،،،،،،،
روحت صادر الاوامر
بأجتماع كل الغرام
جبت اسطولي المسافر
جوه بحر الاعتصام
،،،،،،،،،،،،،،،،،،،،،
قولت ليهم النهاردة
اني مشتاق للهيام
وان قلبي دق دقه
لقلب تاني بإحترام
،،،،،،،،،،،،،،،،،،،،،،
وبعد ساعه وبعد يوم
وقبل ما الاحلام تقوم
جوه قلبي سمعت صوت
صوت بيبكي من هجوم
،،،،،،،،،،،،،،،،،،،،
صوت و مصحوب بالدموع
كنتي بادئة ف الشروع
والبداية هجمه منك
بعد تلغيم الضلوع
،،،،،،،،،،،،،،،،،،،،،
كل حته طايرة مني
تحت بند الاحتيال
طايره مدهونه بدمي
طايرة تصرخ بالسؤال
،،،،،،،،،،،،،،،،،،،،،
ليه قصاد الحب ضربه ؟.
والسلام اخره احتلال
ليه نخلي حدودنا سايبه ؟.
والامان اخره اغتيال

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى