ط
الشعر والأدب

عدِّتْ سنة .للشاعر / ياسر العمورى

ياسر العمورى
**********
عدت ســــــــــــــنة بطـــــــولها وعرضــــــــها
على العفيفة واللى فرطـت ف عرضــــــــــــها
واللى اتحفظـــت واللى نالت غرضــــــــــــــها
واللى اتعافت من جرحـــها ومرضـــــــــــــــــها
واللى صامت و زكت وصلت فرضـــــــــــــــــــها

*** *** ***
عدت سنة ..!!
على اللى ف حضن بلادة واللى هجر أرضها
واللى هان واللى خان وداق بُغـــــــــــــضها
واللى عان واللى صان واللى رضـــــــــــــها
واللى شال واللى إتخبى وعـــــــــــــــــضها

*** *** ***
عدت سنة ..!!
واللى تفنن ف المشاكل واللى ترجل وفضـــــها
واللى أكل من قشطتها وذبدتها ولا تعلم خضـها
شايف بعيونه السواد و عن البياض يغضــــــــها
وباين إنه بيحبها ولا يســـــــــمع جضــــــــــــــها

*** *** ***
عدت سنة ..!!
مابين نسمة وبين همسة و بين صـــــــــــــــرخة
ومابين ضحكة وبين لمسة وبين فــــــــــــــــــرحة
وتعدى سنين العمر بين حلـــــــو و مـــــــــــــــــــر
ويفضل الحر رافع راسه كما النخلة الطارحـــــــــــة
*********************************
بقلم/ ياسر العمورى

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى