ط
مسابقة الشعر العامى

عشانك ياسمرة ..مسابقة شعر العامية بقلم / عبد المنعم الحريرى من مصر

عشانك …….. يا سمره
…………………………….
عشانك يا سمره عشقت الاغانى
وقولة بحبك بكل المعاني
لا انا أول اللى فتنهم جمالك
وآخر اللى فى حبك يعانى
…………………………………
بسافر وبرجع لاهلى ودارى
وشلة صحابي ف ساعة العصارى
رجولة وشهامة ف قلب الحواري
والاقيكى عايشه ف روحي و كياني
…………………………………….
بيعلا أدانك على كل مدنا
والله محبه تجمع ولادنا
يا جميزة تحضن ف ترعة بلدنا
تشبك فروعنا وتطرح امانى
………………………………….
عزيزة وربك هو اللى حارسك
بفلاحك اللى يخضر ف حرثك
شبابك تملى دراعك وحارصك
يوصل سفينتك لأجمل مواني
…………………………….
بحبك فى طالب يحى العلم
وشاعر بنبضه بيمسك قلم
ويكتبها غنوه تزيل الألم
وعشره وصحبه لها شكل تانى
…………………………………
بحبك ف ضحكه لأبنى وبنتي
وورده بتوصف مشاعر حبيبتى
وبعشق ترابك كدا زى مانتى
وهفضل احبك لآخر زماني
لا انا أول اللى فتنهم جمالك
ولا آخر اللى فى حبك يعانى
……………………………………………
عبد المنعم الحريري…..المحلة الكبرى …01062290653

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى