ط
الشعر والأدب

عكاز ابويا قصيدة عامية للشاعر/ محمد الدنقلاوي

محمد الدنقلاوى

رسالة من قنا /محمد عبدالله صالح

عكازابويا الخـــــــشب
انا ابـــــــــــــقي عكازه
يسحبني ع المشـــــوار
خطوة ف طين اتغــرس
وخطوة تيجي ف نــــار
وخطوه ع الـــــسيرميك
ف بلدنا ف احـسن دار
وف خطوه كده ويمـــيل
وف لحظه ويحمــــــــل
اجمد واتحمـــــــــــــــل
طبعاً منا العــــــــــــكاز
ويخف واتنرفـــــــــــــز
واقول ياريتــــــني قزاز
ويبص ويسيـــــــــــبني
واسرح وانا متغـــــــاظ
مع انه مــــــــــش عاجز
ولا حـــتى نظرو ضعيف
يمـــــــــــــــــكن بيبنيني
لـــــــــــكن بشكل لطيف
حيرني دا الراجل وساعات
بيلعب بي وفلحظه يرميني
وساعات بيجرحـــــــــني
فتسيل دمـــــوع عينى
 طبعاً منا الــــــعكاز
وسعات يقربني لنار واتاكل
وسعات يــــــــــقولي كلام
اشــــــــــــــــنق واناباكل
وسعات احـــــــــسو ولي
من نوره يرعــــــــــــبني
وساعات بحس انه ابنــي
وساعات كتير مـــــسنود
ع الحيطه مـــــــــــستني
مشوارابويه اللي جـــاي
يســــــــــــحبني ويحمل
واجـــــــــــــمد واتحـمل
وديماً اتــــــــــــــــــــغبر
مسيرها تــــــــــــــــدبر
عكاز خشب انمــــــــــــا
عايش بقلب قــــــــــــزاز
ايـــــــــــــويا انا عكاز
عكاز ابوي الـــــــخشب

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى