أوعو تقولوا أني ناسي
أعيد علي بلدي وناسي
والمخلصين علي راسي
والخينين تحت مداسي
أنا عيدت عليكم بالعيد
بس المرا دي عيد جديد
عيد النصر وتحيا مصر
عيد لكل آوان وعصر
عيد فرحة اﻻنتصار
لما عبر الجيش وثار
لما وﻻدنا عبروا القنال
ساعتها قالوا مفيش محال
هي دي عزيمة الرجال
لما وﻻدنا عدوا وقالوا
الله واكبر علي كل عادي
ورفعوا سعتها رايات النصر
وهتفوا نموت وتحيا مصر
عبروا وﻻدنا بكل بساله
وصمدوا وقالوا احنا الرجاله
قالوها بكل عزيمه وشهامه
ورجعوا لينا أعز كرامه
يومها عدوا بحر القنال
حفروا الساتر بأديهم مال
عبروا بكل قوه وعزه
وذاقو العدو مراره وذله
قالوا خﻻص مفيش بارليف
واللي قالوا دا سد مخيف
تسلم لينا ياجيش بلدنا
ياللي وﻻدك هما وﻻدنا
وأنتصراتك هي حياتنا
تعيشي يا مصر يا أم الدنيا
وانا من غيرك ﻻ لون وﻻ معني
تعيشي يا غاليه يابلد النيل
واللي يحبك دا شهم أصيل
تعيشي يامصر…..تعيشي يا مصر
محسن عبد الهادي الدرديري
