ط
الشعر والأدب

غريب .قصيدة للشاعر / احمد الخليفة

احمد الخليفة

<><> من كلماتي / أحمد الخليفة
_______________________

شعور غريب
إنك تحس انك هوا
في جوف وريد
إنك تكون للسخرية
أروع مثال
إنك بتضحك لاجل هو يبتسم
وانت الوجع
موجوع بحبك
والحكاية ف كلمتين
” خليك بعيد “
تبعد عيونك عن براح الأمكنة
تفضل تعافر جوه منك
لاجل هي تبتسم
واما نور الدنيا يظهر ع الشفايف
ترجع طريد
وتتوه معاها سكتك
بتحبها ؟
اياك تكون بتحبها
هتعيش غريب
وهي ساكن جوه منها
قلب تاني بيكرهك

شعور غريب
إنك يا طير
بدون جناح
وادي غصنك انكسر
مين يسمعك يا ابو الشجن

شعور غريب
ان اللي شاغلك في الحياة
بسمة حبيبة بتجهلك
قلبك هلك
مين يمهلك
لحظة عناق الأمكنة
خليك طريد
وانت اللي عمرك يكرهك
شعور مخيف

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى