ط
الشعر والأدب

غزيتى الدنيا برموشك,,,شعر / صبرى أبو ريان

273710_100004113309191_443536366_n
غزيتى الدنيا برموشك
فتنتى الدنيا بجمالك
أسرتى قلبى بحنانك
ومش لاقى حبيب ليكى
يقول ليكى
أنا سجنك وسجانك
وقلبى هوا دا مكانك
يشيل فرحك وجرحك
وساعه الحزن مايجيلك
يشيل عنك يزيل همك
ووقت الدمع منديلك
يكون بصرك وسمعك
والهمس والشمس فى نهارك
يكون زادك وزوادك يكون دارك
يكون بردك ويكون نارك
ولو سهره غابت القمره ينورلك
دروب ليلك فى عز الخوف
يكون ملهوف على أمنك
يراعيكى ويحميكى
وجوه عنيه يخبيكى
وبالأهداب يغطيكى
أنا شعبك ومش لاقى
عريس ليكى رئيس
ليكى يا مصر يا حره
يا عزيزه يجمعنا كلنا
على الألفه نكون اخوه
يطبطب على فى الميدان
يطيب خاطر الغلبان
يعيش بين البلاد جوه
ويسيب الجيش يحافظ
على الحدود بره
يحلى فيكى المره
نعيش فى أمان جيل
وراى جيل ونحمى القرآن مع الانجيل
ونبنى بلدنا فى اللى جاى
ونتعاون على اللى جاى
ونعمر ونخضر ونجدد ونولد
الأمل بالعمل مش بالكسل
وكل الشعب يكون واحد
بحب نوحد الواحد وننسا
الماضى ولو واحد يجيب
الشاى فى الفنجان التانى
يصب ويسقيى اللى جاى
واللى رايح دا كفاح مكافح
عطر لمصر من ارقى الروايح
يعطر ارضك يزيد خيرك ويكبر
زرعك انا نفسى فى رئيس
كويس يحبك يبات سهران
على راحتك يرجع امنك …

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى