ط
الشعر والأدب

غلاسة ..خاطرة بقلم  الكاتب/ أحمد بيومي

احمد بيومى
وعجبي عليك يا زمن ..
خليت للخسيس قيمه ..
يعمل بطل من ورق ..
بطولته إنه في مظاهرة كسر أو حرق ..
والسبكي يطلعه بطل في السيما ..
وواحد ما بيعرف يكتب كلمتين ..
تلاقيه بقى صحفي ونخبه ..
ولازق في برنامج إذاعة و تلفزيون ..
ومدعو في كل عزومه ووليمه ..
وأنا وإللي زي حضرتي ..
عايشين بالحيا مدفونين تقلش ميتين ..
ولما حد يفتكرهم تلاقي العزومة ..
على فنجان قهوه ساده ..
في عزا جنب جبانه أو خيمه ..
ولو يوم حب واحده ..
يطلعله أبوها أو أخوها صعيدي ..
يجروا ورا إللى خلفوه ..
قال إيه عاوزين يقتلوه ..
واحد في إيده رشاش ..
والتاني بالشومه ..
عجبي علي الإنسان ..
بيمني نفسه يعيش ..
وهوا مستخبي دائماً ورا شاشه ..
ولما يحب يشوف الشارع ..
يشوفه من خلف الشيش ..
متغطي بكوفيه أو لاسه ..
تيجي تسأله حضرتك بتشتغل إيه ..
يجاوبك بشوية تهته وإجابه ما تلاقيش ..
فتحس بغلاسه ..عجبي ..

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى