(فكرانى هكتبلك تانى)
فكرانى هكتبلك تانى
لا ولله ده كان زمان
ايام ماكنت بحب بصدق
مش بكلام
دلوقتى مفيش شئ اسمه الحب
فى كدب فى خداع فى اوهام
كل ده بقى فيا منك
واتبدل بعد الاحلام
كنت بحبك حب كبير
وكنت فاكرك زيى تمام
ولما غبت شويه عليكى
لقيت الكدب عليكى بان
انا مش ندمان عليكى انتى
انا ندمان على الايام
اللى قضتها مع انسانه
كنت فاكرها نبع حنان
طلعت قاسيه خاينه وناسيه
حب قديم وبقاله زمان
بعد ده كله اكتبلك تانى
لا و الله ده كان زمان
ايام ماكنت بحب بصدق
مش بكلام.
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
