كتب و صور / ممدوح المنشاوى
مسرحية غيبوبة هى توثيق ساخر للاحداث اللى حصلت فى مصر من يوم 25 يناير 2011 حتى 30 يونيو 2013 و يرى النقاد انها ستكون من اهم الاعمال التى جسدت الاحداث فى هذه الفترة
التأليف للكاتب الكبير محمود الطوخى و الاخراج .. للفنان شادى سرور
تكوينات الفنانين على خشبة المسرح عبارة عن فنان مبدع بيرسم لوحة فنية
طبعا مش حكلم عن الفنان القدير احمد بدير لانه ممثل عبقرى
و الفنانة فاطمة الكاشف حد جامد جدا و قديرة جدا فى تعبيرات الوجه
الفنان محمد الصاوى جسد صورة المرشد تجسيد جميل جدا
وا الفنان ايهاب مبروك مأمور القسم …. وحشنى تمثيلك وابداعك على خشبة المسرح بيتك اللى اتولدت فيه وهو دا مكانك الحقيقى
اختى الصغيرة نشوى مرجان ابنة الاسكندرية. برافو عليكى انتى كنت واقفة وسط عمالقة و فرحت قوى لما الجمهور سألنى عليكى
الجميلة و الرقيقة ياسمين جمال .. انتى حد كل الناس بتعشق و بتحب تمثيلك و انتى حقيقى اسعدتينا جدا من اول مشهد لاخر مشهد معانا شفناكى فى اكثر من شخصية كلهم اجمل من بعص حتى فى تحية الحمهور .. و انتى ماسكة بوكيه الورد و انتى اصلا اجمل وردة فى المسرحية
حبيب قلبى و حبيب قلب كل الناس الفنان الجميل احمد الدمرداش بشخصيته المتميزة و دمه الخفيف استطاع انا يسعدنا جميعا من خلال ادائه الرائع و بجد وجودك فقط سواء على المسرح او على شاشة السينما كان بيسعدنا و كنا بننتظر البلاك اوت علشان نستمتع بيك اخيرا احب اقول للمبدع شادى سرور انت ابهرتنى امبارح جدا و فكرة استخدام العرض السنمائى بين المشاهد كسر حالة الملل اللى ممكن تصيب الجمهور فى البلاك اوت و اللى سعات كتير لما بيطول بيفصل الجمهور عن العرض لكنك استطعت ان لو العرض السينمائى استمر اكتر من ربع ساعة كنا حنفضل عايشين جوة احداث المسرحية و طبعا كانت فكرة استخدام الكروما فى تصوير فقرات قناة الحقيقة صنع توالف بين العرض السينمائى و بين العرض المسرحى عكس لو كان تم التصوير فى الشارع كان حيخلينا ممكن نفصل بصراحة العمل اكثر من رائع و الديكور و الاغانى و الالحان غاية فى الجمال
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
