ط
مسابقة الشعر العامى

فى حب مصر . مسابقة الشعر العامى بقلم / سامح شعبان هلال مصر


الاسم /سامح شعبان هلال
الدوله /جمهورية مصر العربيه
رقم التليفون /01279307559
قصيده شعر عامي
العنوان { في حب مصر }

عشقــك أنا وعشقــي ليكــي مايتوصـفش
وف بعــدي عنــك عمــري كــله مايتحسبش
عاشــق حبـات رمـالك عـاشق غيطـانـك
عاشق تاريخك إلـ انكتب وإلـ لسه مـ انكتبش
******
عاجزه كل الحروف تكتب لحظه في تاريخك
لو شوفت مهما أشوف ملاقي والله مثيلك
عاشق أنا ليــلك عاشــق أنا نيلك
وفى ليلي بحلم بيكي ونهاري أغنيلك
**********
مغــرم صبـابه أنا والغــرام غــــلاب
وإن قلت أتـوب أنا يبقـي أكـيد كداب
متربي انا في حماكي وشبابي تحت سماكي
ومستحيل أنساكي لو حبك أنت عذاب
*********
يابلدي يا ام الرمال علي شطوطك دهب
يا ام النسيم يشفي العليل من التعب
يـا ارض طـاهـره يا ارض الجـدود
ياللي التاريـخ على ضفة قناتك إنكتب
********
إفتحـي صفحات تاريخـك علميهم
إنك قــاهره كل الأعـادي فهميهم
إن فيكـــي خيــر أجنــاد الباريه
وإللي دخلك معتدي شاف العجب
*********
بكتب قصايد غزل م انا أصلي قلبي معاكي
ومن قديـم الأزل رب العبـاد سماكـي
يا بلدي يا ام الهرم يا بلدي يا ام الكــرم
لو جــابوا كــل الأمم لا يترموا في حماكي
********

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى