ط
مسابقة الشعر العامى

قابيل..مسابقة الشعر العامى بقلم / أحمد صبرى من مصر

قصيدة /عامية
بقلم :احمد صبرى حسن
مصر _ القاهرة
هاتف /01112909538
01001398379
بعنوان/ قابيل
قابيل الشر هيأ له بقتل اخوه
وكانت نفسه اللى امارة بأسوأ سوء
كانت بتسوء
عليه الشهوة و الغيرة
وحقد اسود
بيعمى بصيرة من نظرة
لروح رافضة
يكون الغدر مبدأها
يصدقها جميع الخلق
تثبتها
رجول جبالها مغروزة
بطول الدهر
وكان م السهل
يقابل قسوة بالقسوة
وجهل بجهل
لكن روحة كانت من النور
ورغم القسوة من خله
فكان ضله
يحابى عليه
انا وإنت وجودنا للبشر آية
انا وانت ..ولسه الخلق فى بداية
بلاش تختم على جبين الزمان بالعار
يعيش دامى ع البشر دوار
فكل الدم سال ..دمي
وكل القتل من غدرك
تخون عهدك
تعيش ندمان
لكنه جبان
ما سمعش لضمير الخير
لأنه أسير لشياطينه اللى غاوينه
بزيف الخلد و خداعه
فى دانيا يومينها يتباعوا
فى طرافة عين
فيحنى جبينه لشيطانه
ودم الطهر قربانه
نعيق حزن الغراب
يعلن للحياة موته
قابيل..ذهوله ف سكوته قصاد
عجزه
ما بين جهله وبين ذله
غراب داله
بإن الأرض ليه ستره
فكانت فكرة لإنسان ضل
قابيل.. اتذل
لكن عمره ف لحظة ما تاب
قبيل اتساب
عشان يملا حياتنا شر
لكنه اقر..بذنوبه
فى لحظة موته كان هيتوب
قابيل مصلوب
على جدار الحياة با لدم
فزاده الهم من يأسه
وكدب فطرة من طيبة
كانت جواه
قابيل اهو تاه..
وايه نفعه
لا جاه و لا عزوة
قابيل…نزوة

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى