مابين الأهه والتانيه
مشاعر ف القلوب فانيه
وكل دقيقه بتعدى
سنين العمر مش باقيه
قتلتنا الغربه فى زمانا
وماتت فينا احلامنا
وأيام بتزيد فى أوجاعنا
ومهما ننادى يا أخوانا
ولا واحد بيسمعنا
ندارى الجرح ف قلوبنا
صدى صوته يسمعنا
وياريت الكل يسمعنا
بقلنا سنين فى أوجاعنا
سنين العمر بتعدى
والماضى صار مالوش معنى
خدتنا التوها وياها
ومين من تانى يجمعنا
ومين ب الحب يحينا
فى دنيا غاويه تأذينا
وترسى ياناس مراسينا
ومين يقدر يرجعنا
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
