_____ أسياد و عبيد _____
الكل بقي يهرب م الحق
و كأن الحق وباء
الكل بقي يبعد عنه
و كأن الحق طاعون
الكل بيجوا علي صاحبه
و كأن صاحب الحق شيطان
و ي ويله المجتمع الظالم
لو ضاع فيه حق لإنسان
الكل بيهرب م الحق
لأن صاحب الحق
مواطن م الريف متهمش
حب يكمل تعليمه ما تمش
الكل عليه بقي يتنمر
قالو علينا خدام و عبيد
و بكل سفاله يهينونا
و نصبوا أنفسهم أسياد
ببساطة يهينوا مشاعرنا
علشان بنكافح علي قوتنا
نسيوا إن إللي فقرنا طمعهم
نسيوا إن إللي نهب صحتنا جشعهم
عملونا عبيد في بلاطهم
و بكل سفاله أهانوا بناتنا
قالوا بنشحنهم يخدموا ف بيوتهم
و ما ذكروا تفاهة أولادهم
و نسوا إننا بشرفنا أسيادهم
و كأن الظلم بقي سلطان
آمر ناهي و صوته عالي
من جبروته الكل جبان
يا رب خلقك نسيوا إن إنت الحق
نسيوا إن إنت العدل الديان
أوكلتك أمري و بكل أمان
مهو إنت حسيبي ووكيلي
و لأني بحبك و أنا كلي إمان
سلمتك أمري و بعدلك
ح تجيب حقي لأنك إنت السلطان
و لأني مؤمن بعدالتك
لجأت إليك علي مجتمعي الظالم
مجتمعي أللا إنسان
……………………………………………..
بكر بسيوني
.
