أنا مسامحك _ _ _
يا أغلا ما عندي في الدنيا
ما يشفي الجرح
لو منك ٠
تهون الدنيا يا غالي
وإنت عليا متهونشي
لأن دمي من دمك
لأن أمي كمان أمك ٠
وطول عمري
بشيل همك
وإنت همي مش هامك ٠
أقولك إيه
وأنا جرحي كبير منك ٠
أنا مسامحك
كتير أغراب جرحوني
وظلموني
بس جروحهم ماوجعوني
ولا بالظلم بكوني ٠
كتير أحباب
هجروني ونسيوني
بس ف يوم ما هموني ٠
لكن جرحك
يا أغلا الناس بيوجعني
وكل ما قول
خلاص ح انسي
حنين دمي يرجعني ٠
يا جرح في قلبي بيوجعني
أنا مسامحك ٠
نسيت أيام ما كنا صغار
بيجمعنا عشا وفطار
في حضن أمك ؟
نسيت يا غالي ضحكتنا
وفرحتنا
في حجر أبوك ؟
ولا يهمك ٠
دموعي يا غالي
مش علي حالي
وأحلف لك
دموعي عليك ٠
أخويا وجرحي
من أخويا
ما فيش غير كلمه أقولهالك
أنا مسامحك ٠
٠
