ط
مسابقة الشعر العامى

قصيدة الشعر حياة . مسابقة الشعر العامى بقلم / وليد المصرى

خاص بمسابقة الشعر العامى
الشاعر / وليد المصرى اسماعيليه
٠١٠٠٣٦١٦٩٩١ رقم الموبايل والواتس
حسابي علي الفيس بوك الشاعر وليد المصرى
قصيدة / الشعر حياه
*****
قالوا (الشعر وجدان الغلابه)
قولت الشعر شريان الحياه
ولكل شاعر بيهوى الكتابه
وحى وخيال بيعيش جواه
الشعر بوح لروح
موهوبه من عند الإله
بيلازمه فين مايروح
ويشد فيه الإنتباه
مخزون فى العقول لحاله
بالسر تملى بيفوح
دايمآ معانا واستحاله
يفارق الجسد والروح
كلمه وصوره وخيال
على بحر النغم تتحس
مش رص كلام وأفعال
بدون أوزان ولا حس
إحساس بيطلع ع الورق
بأجمل معانى وحروف
تعبير بيهزم القلق
ويتحدى جوانا الظروف
مشهد تشوفه العيون
والمخ بيحسه ويقراه
يبعت إشاره للقلب
فيضخ النبض بمعناه
حالة تميز وإبداع
فرحه لحبيب وخشوع
أو دمعه وحزن وخداع
ندم وشعور بالرجوع
حلم بيتقرى ويتذاع
والناس بتحكم فى النهايه
مين فايز ومين مغلوب
مين اللى أبدع فى الحكايه
ومين اللى يسكن فى القلوب
أزواق متقسمه ع الخلق
ولكل واحد مننا مكتوب
الشعر بيدور فى وجدانا
يوم عدل ويوم مقلوب
فبلاش تهدمو النوايا
وإبنو وشجعو الموهوب
فى شعر أو قصه وروايه
كملو الاحلام معاه
الشعر ترياق للجروح
والحب إكسير الحياه
بيشيل الهموم بالبوح
ويشفى القلوب م الآه
كل غيمة سواد بتروح
إحسنو النيه للنجاه
إرفعو الرايه بوضوح
عرفوهم منين الإتجاه
إزرعوا فى قلوبهم طموح
علموهم إن الشعر حياه
*

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى