عمرو خلف عبد الرحمن عبد الحافظ العفيفي
الشهرة نور العفيفي
مصر _اسيوط_ديروط
رقم الهاتف : 01006850942
حاول تفهم الواقع
مسابقة الشعر العامي
……..
حاول تفهم الواقع
…
يا جراب محمل بالعذاب
سكر حياتك كله داب
لملم جراحك مالسراب
واعلن الاحلام سكوت
ساكن فحلمك عنكبوت
وخيوطه غطت عالامل
مزروع فقلبك ميت تابوت
يكونش معمولك عمل
حسك مالهش وجود
صرخك نتيجته سكات
مدبوح اعلنله الحداد
مخنوق فحلقك كنه مات
….
حلمك لو كبير يا حزين
نقول ان المقاس واسع
ماتفلح غير فشيلة الطين
نلاقي ليأسك الدافع
متسرسبة الايام عليك
وعمرك راح ماهوش راجع
فحاول تفهم الواقع
…..
عدي جراحك اتحمل
ولو نفسك شهيقه اتقطع
تخون الدنيا احلامك
وتوفيلها لانك جدع
فازرع رضاك جواك
وارسم صبر فوق الوجع
من امتى الصيد برمي شباك
اسباب مرجوعها للنية
احصد كل طرح قساك
والماضي احتسبه كان دية
….
الحلم لو ارضك بور
عمد روحك طهر ونور
يطرح قلب سواده خضار
فارق جنة المولي وبين النار
بناتج ليل يكون اكحل
وليل مستني لنهايته نهار
