الاسم : محمد عاطف عباس
السن :٢٣سنه
البريد الالكتروني
[email protected]
رابط الصفحه ..
https://www.facebook.com/mohammedatef.atef.16
شعر عامي
نص شعري بعنوان
“دنيا المسرح”
………
احكيلك سر كبير
او لو فرضا يعني خطير
انك اجمل واحده اتحبت
وان الشعر ف ارضك حر
يوصف فيكي مهما يكون
وانا كداب اني بصون فيكي العشره
لا انا ندمان ولا عشمان
اني احبك تاني ف يوم
سرك سري وارضك ارضي
ومهما يكون الزرع حصاوي
هقلع زرعك وازرع تاني
بس احبك ..!؟
يمكن مره او لو امكن
يمكن احبك ..!
وارجع تاني لنفس الليله
وقت ما كات حكايتنا كتيره
وقت ما كُنت طفل بعيد
وقت ما كَنت شوفتك عيد
وامسك ورقه واكتب اسمك
كل بنات الحور ترقصلك
ورجع وأبكي زي العيل
وامي تقولى..
مالك باكي ليه يا منيل
عشت وشفت بتبكي لواحده
هو الحب ..
هو الحب عوايده اكده
دايما تزرع غيرك يحصد
اسمع اخر غنوه اتغنت
“سيرة الحب ”
وظلم الحب لكل أصحابه
يا بني الحب ده اكبر كدبه
هو الباقي شوية عشره
جرح القلب بداية القصه
زي يمامه جوه الغيه
جرب تفتح باب العش
ترمح تجري وسط سحاب..!؟
كل يمام الغي اغراب
وانت بتندب جنب الغيه
هل هتعود تاني صبيه ..؟
وانت بتسمع دب القلب
كأنه بيرفض صوت الغصب
حبك طافح ع الشرايين
قلبك لسه ضعيف مسكين
فاكر حتي شكل الطين
فاكر كل كلام العين
بطل تنحت ف التفكير
اطلع بره قيود الماضي
ارسم شجره وجوه الشجره
تلقىَ الخير..
انحت بسمه تملىَ الوش
دنيا المسرح غش ف غش
دنيا غبيه متستعجبش
كل قيودها ف ايد مُلكها
واحنا غلابه منستحملش
اخرج حرر كل قيودك
خلي العالم يسمع صوتك
امسك قلبك واعصر فيه
نزل كل بواقي الذكرىَ
شوف احبابك ويا صحابك
بابك يفتح من غير اوكره .
