ط
مسابقة الشعر العامى

 قصيدة رد الوطن.حكاية ثورتين ..مسابقة الشعر العامي بقلم / محمد حسن عبد العليم

 قصيدة رد الوطن ،، حكاية ثورتين ،،مسابقة شعر عامي محمد حسن عبد العليم القاهرة
العتمه مسكت في الطريق ماسكه
والخطوة وقفت ولا حددت سكه
والروح تنادي الروح تشجعها
اتحركت في خشوع ما عدتش صامته
الخطوة بين الاقدام نادت ع الوطن
رد الوطن وابتسم إبتسامة زمن
رد الوطن ع الأرض حضنت تراب رجليه
مسح التراب عنها مسح كل الشجن
عاد التاريخ يكتب من جديد تحرير
وفي التحرير سطور مكتوبه ع الجدران
كل فئات الشعب طالبت بالوقوف
وقفوا في وش الصعب وعادوا كل جبان
إتزلزلت الأرض والصوت كالصاعقة
دخلت في قلب الظلم حس إن دي وعكه
لملم حاجاته وقام اتزلزلت تاني
وقع صدق ساعتها إنه مالوش حركة
نجح الشعب الهمام انه يزيح طماع
فكر يزيل الجشع يداوي في الاوجاع
نزل الميدان مجموعة لبست قناع الشرف
لكن رياح الوطن كشفت كل قناع
العتمه لاحت من بعيد تاني
والنور قوي رفض يعيش في ظلام
عاد التاريخ يكتب بالقلم تصحيح
مصر منصورة دايما في وش اللئام
الأرض خرجت مع الاقدام تتظاهر
رافعة علامة النصر ،،، وإتكسرت رابعه
ماسكة لافته مكتوب عليها مصر
راح تنتصر زي ما إنتصرت قابله
وإنتصرت الأرض للتاريخ الهمام
وحفرنا تاني قناة كانت واسعه
وبقينا راية مرفوعة فوق العدا
وبدأنا نبني صرح في الضبعه
عاش البطل إبن مصر الشجاع
شال مصر من نفق ضلمه
واتقدمت مصر على كل البلاد
وواجهت كل الخونه والظلمه

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى