ط
الشعر والأدب

قصيدة : فايدة الأحباب .. للشاعر / شريف أنيس

وبيسألوا

إيه فايدة الأحباب

وليه بيفضى المكان

لو حد مثلا

غاب

وليه وشوش بتعيش

ووشوش بتبقى

سراب

وليه تتوه العيون

ف اليتم

بعد الغياب

….بعد الغياب …..

بعد الغياب السنين

على اليتيم

بتضن

ترمى ف ضلوعه الأنين

أكتر ماكان

بيظن

يشتاق للحظة حنين

أو صوت سؤال

بيرن

صعب انتظار الفجر

من غير قلوب

بتحن

وقاسي ليل الشتا

على قلوب

بتئن

…….بتئن. …..

بتئن من غير صوت

والشكوى

جواها

صوت الصراخ مكبوت

بتلف

ف متاهة

هوه الغياب بالموت

وأيام

بننساها

والا السنين بتفوت

والذكرى

جواها

….. والذكرى. …..

والذكرى مش حكايات

ولا حتى

كام صورة

الصورة روح وحاجات

ف القلب

محفورة

تفضل تعيش في سكات

والنفس

مجبورة

من غيرها احنا أموات

والنفس

مكسورة

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى
Secured By miniOrange