الاسم / فتحي عبدالمنعم عبدالعال بكير
اسم الشهره / جراح بكير
رقم التليفون / 01094344604
واتس / 01277753052
البلد / مصر / سوهاج
قصيدة عامية
قضية الحب
لسه ياقلبي بتدق
ولسه مؤمن بالحب
ومؤمن بالقضية
لسه بتكتب اشعار
لعيونها العسلية
وبينك وبينها حواجز
حجرية
لسه بتحلم بلقاء
انت وهي
لسه بتسهر الليل
تحاكي نجوم وهمية
لسه عندك أمل
الحب يطرق ابوابك
وتبتسم الدنيا
قضية الحب يا قلبي
قضية منتهية
الحب ياقلبي مش لك
الحب للي معاه مليون
ومية
أرض وفيلا وعربية
فين انت وفين هي
زمنا زمن الفلوس
المال هو المتحكم
وبيه تكون سيد الدنيا
وتشتري اي شئ
حتى الحنان والحنية
انتهى زمن الفروسية
و راحت ايام قيس وليلى
حتى روميو صار ذكرى
وجولييت صبحت منسية
وانت ايه تكون ؟
فقير و مقطعة الجلابية
واخرك حلم
واحلامك كمان منسية
او تصحى من النوم
وتحكي حلمك للمية
او تكتب قصيدة
تشكي همومك للدنيا
وده يواسيك وده يجاريك
وهي فين هي
ولا حست يوم بيك
وعايشة حياتها متهنية
هي في دنيا وانت في دنيا
الدنيا يا قلبي اتغيرت
حتى الناس بقت مش هي
ولسه بتحلم ومؤمن بالقضية !
بقلمي / جراح بكير
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
