الاشتراك في مهرجان همسة ..مسابقة الشعر العامي الإسم / أحمد سمير التركي .. واتس اب / 01202362401 ........................................................... لسة يامه .. لسة يامه بشوف ملامحك مالية عيني لسة بسمع اسمي وانتي بتندهيني لما كنت بستفزك ولا بعمل شيء يهزك كنتي ياما بتبلعيلي واتقمص تيجي تناديلي كوتو موتو .. علا صوته الصغنن ليه أماسة واما كنتي تزغزغيني تحت باطي كنت بضحك وانسى ف الاخر عياطي تضحكيلي . وتقوليلي انت ياض بطل مياصة خط شنبي . اخشن صوتي الجفا صاحب سكوتي تيجي جنبي تكلميني أمه من فضلك . سيبيني بالي مش رايق للكك كبري دماغك وفكك واما صحبي يرنلي . انزل تعالى كات تقولي شمة ف الموضوع ندالة كنت اسيبها واروح لشلة من الصحاب واما ابويا . كان يزعق ع الغياب كات تدافع عني وتقول .. طيش شباب بعدها . تيجي تحاسبني كلمتين وقوام تسبني يابني حرص م الصحاب الصحاب زي الكتاب منه خير أو منه شر زي بحر وزي بر اللي بحر . اوعى تغرق يوم ف بحره واللي شر .. خلي بالك رد شره طب يا حاجة . تكرميلي نتعبولك . تسلميلي كات تقولي وحياة امك لسة عندك عين تبحلق طب ياخويا وخف دمك دانت دمك ياض مزحلق لسة فاكر قعدتك كنتي قاعدة مربعة وعليكي شال جنب ركن الكنبة م الناحية الشمال ماسكة مصحف وف ايديكي التانية سبحة مصحفك كان ليه عليكي . هالة واضحة كنت اعدي عليكي متكلمش . عادي كنت حابس نفسي فيا وكنت راضي عدت الايام لقيت . هالتك قصادي مختفية . وف مكان الكنبة فاضي روحتي فين .. مش بلاقي غير ردودي غير غشاوة فاضلة من نبرة برودي لسة يامه .. ايديكي فيا معلمة لما كنتي بتقرصيني من خدودي واما جاني . عنفواني وشد عودي مش لاقيكي .. نفسي يامه ... ولو ليوم واحد تعودي 😢 شعر / أحمد التركي
