ط
مسابقة الشعر العامى

قصيدة (محراب العاشقين) مسابقة الشعر العامى بقلم / سعيد محمد محمد عرفه

الأسم : سعيد محمد محمد عرفه
رقم التلفون: 01008053168
واتس:01008053168
الايميل :[email protected]

خاص بالمسابقة .. مشاركة شعر عامية

محراب العاشقين

لسه العيون نفس العيون
بس ناسى ضحكتك
لسه القلوب نفس القلوب
بس ناسى فرحتك
فين ضحكتك فين فرحتك
ضاعوا ليه ويا السنين
تتوه و تقسي محبتك
فاكر لما كان الحب وعد
لما كانت لمستك
ضى القمر علي
الخدود العطشانين
عشق السنين
لما كان كانت همستك
بيشفى وياها الأنين
ليه العيون دبلانين
ليه حزينه مغربين
تعالي أجدد فرحتك
نعيش سوا ساعة حنين
ونعيد معها فرح السنين
ونعيد سوا كل اللي فات
وضاع علي مر الساعات
يمكن نعيد اللي انكسر
ويا الآهات
تعالي نعلن حبنا
نعلن سوا
ونعيش سوا حتى الممات .

ما أصل الحب معركة
فى محراب العاشقين
فين رسمه كنت رسمتها
فوق الجبين ….
ليه طعنتك …..
بين ضلوع المخلصين
كان بينا عهد
والتزمت لوحدى بيه
بعت ودك والعهود
هانت عليك
بعد غدر بوحت بيه
فاكر الأحلام اللي حلمتها
أكون معاك …..
ولو في عشه صغيرة
تجمع ما بينا ….
والقلوب متحوطة بين الايدين
فاكر قلوب رسمتها
على جدار الملهمين
نبقى سوى…..
رغم غدر الحاقدين
فاتت سنين ….
وإنا لسه فاكر عهدى ليك
بحاول أمحي من الزمان
كل الألم ….
رغم الجروح …
اللي عايشة في ضحكتى
رغم المرار …..
إللى بيملي بسمتى
برجع بفكرى مع الزمن
يمكن ألاقى كلمة وحشه قلتها
فى وقتها ساعة غضب
أو حاجة حلوة عملتها لى
وقت الصفا كانت سبب .
ليه سبت جرح وبير كبير
جوة عشة حبنا….
نحلم سوا ونعيش سوا
حلم جميل …..
إن ما نفارق بعضنا
لقمة جميلة تضمنا
فكرة بسيطة تلمنا
عيلة سعيدة …
كل املها فى حبنا
يلا نرجع الزمن
نلعب فى عقارب
الثوانى والساعات
نسأل قمرنا اللي فات
يرجع إلينا من جديد
يرجع ينور ظلنا
ونعيش معاه أحلى ساعات
يمكن نعوض بعدنا.

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى