ط
مسابقة الشعر العامى

قصيدة مش هاتقريها . مسابقة الشعر العامى بقلم / محمد جابر بشير

الاسم :محمدجابربشير
قنا_مصر
تلفون/01147366658
عاميه
عنون النص_قصيده مش هتقريها

قصيده مش هتقريها
ولا هتحسي معنيها
ولو غنيتها لكل الناس
عنك أنتي هخبيها
وهدريها متسمعيهاش
ولو وصلت في يوم عندك
وجيتي تسأليني هقولك
مكنتش أقصدك بيها
قصيده بأكي قوي فيها

قصيده عنك_وعن حالي
وعن حبك_ كرهت الحب
علشان حبك_بيحلالي
كرهت النوم علشان ملزماني في أحلامي
كرهت البصه في عنيكي
كرهت أديا وشوقها لدفي أديكي
كرهت الفرحه علشان مبتزونيش غير وأنتي قدامي
كرهت الكلام لو حكي عنك
كرهت البنات اللي فيها شبه منك
كرهت اليوم اللي جات عيني في عينك فيه
كرهت المكان اللي قبلتك فيه
كرهت أني أنا عرفتك
كرهت دا كلو ولا كرهتك

ورافض قلبي حد تاني يسكن فيه
مع أني تعبت معاه
وياما حولت بغيرك ألهيه
ياما حاولت بغيرك أنسيه
لكن بفشل وبيرجع يقولي وحشاني
طب أعمل أيه معاك تاني
ياقلبي كفايه مش لينا
ولا هتنفع تكون لينا بر
ولا مرسي ولا سفينه
ياقلبي كفايه مش لينا
صحيح بتعاملك بذوق وبود
ويمكن تكون حباك
يمكن تكون مستنياك
تقولها ع اللي جواك
ياقلبي حواجز كتير منعاني ومنعاك
عشتها اللي مش عيشتك
دلعها وطريقة لبسها
اللي مش هتستحملها في يوم غيرتك
مصروف يومها اللي أنت بتصرفه في أيام وأيام
متبصش لحاله دلوقتي وبص شويه لقدام
يجوز بتحبك لكن مش كل حاجه الحب ياغلبان
حالك على قدك ولا حيلتك بيوت ولاأطيان
ولا وارث
حجات كتير تأكدلك أنك لأحلمها مش فارس
وليه هتبوح
هوها طوفان وبعدك عنها
سفينة نوح
وليه هتبوح
فأصحي وفوق ومتسلمش لعنيها
لأجي ألقيك علي أديها بقيت مجروح
بقيت مدبوح
فلملم نفسك أحسنلك ولو حاولت هي توصلك
أحكيلها عن غرامك الكداب ويا البنات
ولو نطقة وقالت أنا عيزاك
ولو نطقة وقالت أنا حباك
أكدب وقول أنا كمان بموت فيكي
لكن حبي ليكي حب أخوات

ولو نزلت دموع عينها متمسحهاش
وحط نهايه قبل بدايه القصه
وتهمني بأني جبان
غرامها جواب ومتبرشم
هنفتحه ليه؟
مدام بأن مضمونه من العنوان
فأنسي أني أطلق شوقك المحبوس
أنا أقبل أعيش حزنان
أعيش متعوس
ولا أحس أني أنا نقصان
ولا أني أعشم نفسي بسعاده
مجهزتش في أيامي ليها مكان
ولا أني ابدرو بذور فرحه
تطرح ثمر أحزان
أعزني ياقلبي أنا خايف
نمشي السكه وياها
يجي يوم تقولك فيه
ياريت اللي جرا ما كان
يجي يوم تقولك فيه
ياريت اللي جرا ما كان

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى