ط
مسابقة الشعر العامى

قصيدة (مصر بتنادى ولادها ) مسابقة الشعر العامى بقلم / مصطفى محمود حسن

مصطفى محمود حسن
ــــــــــــــ
مصر بتنادى ولادها
كل إيد تشبك فى إيد
كلنا نبقى جنودها
مصر راجعة فى توب جديد

مصر النهاردة رافعة رأسها
باصه للعالم بفخر
ام الحضارة تملى شاهدة
ع التاريخ فى كل عصر مكملة مشوارها بتحدى
بتفوت ع الصعب وتعدى إيدها فى إيد قائد
بطل جرئ وطنى وحر

كل واحد ضحى عشانها
بلده مش ناسيه الجميل واللى همه هد كيانها
بتقوله أنسى ده مستحيل شعبها سر امانها
يضحوا جيل من بعد جيل

أنا اللى هأربى واعلم
وأشرح لاولادك وأقول انتى اللى جبلها كلم
ربنا موسى الرسول
وبأرضها إستأمن وسلم
المسيح وأمه البتول

أنزل بفاسى في قلب أرضك
أزرع وأروى وأخضر تطلع جناين خير ووردك
من تحت طين طيب وأسمر ووقت حربك هتلاقينى
بهتف وأقول الله اكبر

أيدى فى أيدك نبنى ونعمر
نمد فيها مليون طريق وجسر أنفاق كبارى ومصانع
ومدن جديدة نهد بيهم أى فكر كل عامل عرق لبلده
ليه مليون تحية والف شكر

مصر تمرض جايز وممكن
لكن مستحيل أبداً تموت شريان العالم هى ونبضه
لو الكون عمه السكوت انا يوم ما تتكلم بلادى
صوتها يعلى فوق كل صوت

مهمتى ودورى وواجبى
آمنك على مر السنين وطول ما نبضى جوا قلبى
عمرى أبداً يوم ما الين وأحفظ بدمى وعد ربى
إدخلوووووووووها آمنين

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى