======= دولتنا محتاجه اكيد ليوم جديد الراعى فيه لماح رشيد يشوف بعيد وينطق الرأى السديد ويلون الصحرا بخضار ويمد شريان للعمار بالعلم ليلها يكون نهار ويكون لها م الخير نصيب فى دنيا فيها الجهل عيب والفقر عيب دولتنا محتاجه لوليد يردع بسيف ابن الوليد يملا شوارعها بأمان مايكونش فيها يوم مهان ولا شاب عاطل او شريد دولتنا ياعطشانه عيد حضنك يساعنا لو يكون الكل ساده مش عبيد حضنك يساعنا لو يكون مفيهوش فقير مفيهوش بليد مفيهوش مريض مش لاقى ايد دولتنا ياعطشانه عيد دايما املنا ف يوم جديد دايما املنا ف يوم جديد
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
