ط
مسابقة الشعر العامى

قطر الحياة .مسابقة الشعر العامى بقلم / نهلة على الديب

الاسم/ نهله على الديب
خاص بمسابقه همسه/ شعر باللغه العاميه المصريه
الاسم على الفيس Nouna Ali
موبايل / 01069853967
الايميل/[email protected]
قصيده بعنوان / قطر الحياه
———–
يا قطر الحياه — هدى
أوعاك تفوتنى — وتعدى
أنا حاجزه مكانى فيك
———– وتذكرتى أهى — بيدى
ومجهزا شنطتى— فيها كل ما عندى
من ذكريات مؤلمه
———— ودنيا طول عمرها — ضدى
————————-
عارف ي قطر أنت إيه .. ؟ !
أنت الأمل ف الحياه
مستنياك من سنين
وطال بيا الإنتظار
دوب فيا الحنين
وبين الصبر والأمل
——- قلبى وقف محتار
الصبر ما هو سهل
والأمل عطار
عندو اللى طعمه حلو
واللى مداقه مرار
——————————
ي قطر هدى بقى
وصلت ف مكانك
مش هى دى محطتك ….. ! !
وحضنت قضبانك …
————————–
أنا حاجزه فيك البريمو
ليه حطتنى ف الترسو
ف وسط ناس … مش ناسى
لا فهموا منى الكلام
… ولا لمعناه … درسوا
———————
قالولى إيه جابك هنا …! !
أنا قلت مش عارفه
قالوا أنتى مش مننا
بكيت … وأنا خايفه
————————
معقوله يا قطر
—————— خدعتنى تانى
حطتنى ف مكان .. بعيد عن كل خلانى
وبعد م حلمت بيك
——————— صبحت وحدانى
ب لهفه مستنياك
——————— ف لحظه حطمت أحلامى
أديت مكانى ل مين …
———————— بدلته ف مكانى …
——- —— ——-
وبالغالى اشتريتك
…………. ودفعت فيك … ياما
وصدمتنى بأفعالك
…………. وكانت ثقتى فيك …. ياما
أنا هتركك … وأرحل
وهعلمك بعلامه
ولو جمعنا الزمان
هعدى عليك
ولا ألتفت نواحيك
وكفايه شوفت منك خداع … ياما
ولو وصفوك دوا ليا
هقولك ميت
مع السلامه
بلاش عتاب
ولا ملامه
——————
نهله ع الديب

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى