ط
مسابقة الشعر العامى

قلبي بيسأل..مسابقةالشعر العامى بقلم / فاطمة السيد من مصر

قلبي بيسأل ( خاص بالمسابقه) فاطمه السيد من مصر
********
قلبي بيسأل رد عليــــــــه
ليه مانتاش كده زي الأول
وأما تشوفنا بتبعد ليـــــــه
وبعدك عنا كمان بيطــــول
********
هو احنا ياواد مش عاجبينك
رافع حاجبك فوق بجبينـــك
ولا عشان بنقـــول حبينــــك
بعنيك عنا تـروح تتحــــــول
********
ونعاتبك تعمل مشغــــــــــول
وتعدي ولا تقول سلامــــــات
ومشمت عوزال وحســــــــود
وفايتنــــــــا بألام وآهـــــــات
***********
وان قولنا ف يوم نبعد عنك
عامل روحك آل ولا همـــك
تشكي لخالك تشكــي لعمــك
زينا مين هتلاقــــي يضمـــك
*********
راجع قلبك راجع روحـــك
داوي قلوب دابت بجروحـك
نعطف تعند عنــا وتبعــــــــد
وغـرورك قالك دا طموحـك
**********
خوفي لبكره ف يوم ننساك
ونودع هجرك وجفــــــــــاك
سهرت عيني طول لياليــــــك
شمعهــــا قايــــــد تستنـــــاك
********
قلبي بيسأل رد عليــــــــه
ليه مانتاش كــده زي الأول
وأما تشوفنا بتبعــد ليـــــــه
وبعدك عنا كمــان بيطــــول
**********
كلمات \ الشاعره فاطمه السيد
************************

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى