ط
مسابقة الشعر العامى

قلب مصر .مسابقة شعر العامية بقلم / عبدالرءوف محمد عبدالله .مصر

خاص لمسابقة مهرجان همسه الدولى للآداب و الفنون
الدوره السابعه 2019م
قسم : شعر العاميه
الشاعر / رءوف حجر
الإسم بالتفصيل : عبدالرءوف محمد عبدالله
السن : 51 سنه
تليفون : 01202077726
العنوان : جمهورية مصر العربيه
قرية كفر الدير/ مركز شبين القناطر/ محافظة القليوبيه
قلب مصر
ـــــــــــــ

يللى حُبك جُوا منى سِرُه يعصُر قلبى عصر
يتوهِب لِك عين و نِنِى م انتى نور العين يا مصر
يتبنى لك جُوا منى ألف جنه و ألف قصـــــــــــر
نفسى أقطع لك وريدى اللى ممدُود جُوا إيدى
و اشربى منى يا مصر…
ــــــــــــــــــــــــــــــــــــــــــــــــــــــ

و ابقى نيلك لو يجيلك يوم جفــــــــاف
و ابقى يوسف لما تيجى سنين عجــــــــاف
و ابقى موسى و بعصايتى ف يوم ما اخاف
و ابقى ناصر و ابقى أنور و افرحى بيا يا مصر
ـــــــــــــــــــــــــــــــــــــــــــــــــ

إوعى تبكى من ولادك اللى كادِك و اللى عادِك
و اللى ينسى طريق بلادِك برضُه هتسامحيه يا مصر
بكره يرجع تانى راكع – ييجى باكى ييجى دامع
و ف يمينه علم بلاده ويبكى … تحت أقدامك يامصر
ـــــــــــــــــــــــــــــــــــــــــــــــــ

يللا قومى عشان نقوملك راح نشيل عنك ف حِملك
إحنا اللى أحلامك بنملك إحلمى بينا يا مصر
ـــــــــــــــــــــــــــــــــــــــــــــــــ

جيشك الأصيل أساسِك يحمى أرضِك يحمى ناسِك
هوا دهبِك هوا ماسِك يفتدى ترابك يا مصر
ـــــــــــــــــــــــــــــــــــــــــــــــــ

يللى تِحمِى حدود بهيه لو ف يوم احتجت ليا
تِنضِرب أعظم تحيه و كلنا خُدام لمصر
ـــــــــــــــــــــــــــــــــــــــــــــــــ

عايز اقول لِك ألف مره ألف كلمه …
لو هابيع عمرى بكلمه …
تِبقى كِلمة …
تحيا مصر ـــــــــــــــــــــــــــــــ

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى