كامل الأوصاف مسابقة الشعر العامى بقلم / محمد عبد العزيز عيد من مصر

الاسم: محمد عبد العزيز محمد عيد
العنوان : شلشلمون / منيا القمح / شرقية / مصر
السن: 22 سنة

المجال: شعر عامية

اسم القصيدة / كامل الأوصاف

جوايا طفل صغير
بيحب ناسه بجد
مهما الزمان يتغير
عمره ما يكره حد

بيكمل حلمه مش نايم
و إيده ماسكة في المجداف
في بحر الحب يعيش عايم
باصص للبر بعين عراف

يحقق حلمه بالراحة
و عينيه بالحب فضاحة
و نبض القلب لو صادق
يبان شفاف !

بيزرع الحب في الوادي
فيجني الويل
و يروي الحلم الهادي
فيرجع سيل !
و يفضل بالحياة راضي
و باله طويل

صابر على الأيام
لو كات سنينه عجاف
مهما الظروف تمنعه
عمره فـ يوم ما يخاف

ينده على الأحلام
يرجع له بس الصدى
في إبتسامة الرضا
عمر الحياة دي ما كانت
لكامل الأوصاف !

#محمد_عبدالعزيز_الديب