شعر عامى ابراهيم داود كدة ع الملأ قطعت قلبي ورميته طار كدة فى الهوا زي الورق وقتلت شوقي اللى إتفضح وحنينى وياه إندبح وحصانى بعد ماكان سبق خسر السبق والشمس مالت غربت والناس بحالها إستغربت إزاي وليه يعمل كدة إيه يعنى واحدة أذنبت ما الذنب ويانا إتخلق وعملت زار كدة بالنهار واللى يعدي يشوف رماد ويقول آثار عمره ياعينى اللى إتسرق واللى يقول إعمل حجاب عمرك ما تلقى الفرح غاب ولو عجوز ترجع شباب بس هات منها أطر لسة فيه ريحة العرق واللى شافنى وإبتسم واللى على وشه إترسم حزن وأنين واللى نزل دمعتين واللى زهق واللى إتخنق كل ده .... كان ع الملأ .
