ط
الشعر والأدب

كلنا بنحب مصر شعر/ فتحي زيادة

فتحى زيادة

في كل يوم
يطلع علينا
مين يقول أنه يحبك
وإنه عايش جوه قلبك
يرتشف حبك وخيرك
وإنه نبته من ترابك
قلبه ما يعرفشِ غيرك
وإنه دفيان جوه حضنك
وإنْ نيلك في وريده
دم جاري
واللي حاصل ف الشوارع والحواري
كلها أفعال جبان
عمره ما فكر يحبك
أو يقولّك :
إن سعْده وإن وعده
لو يعيش ديما في قربك
اصرخي يا أمه قولي لهم
أن حبي مش أغاني
حبي يا ابني إنّي أشوفك
يوم بتبني
أصل حبي شكل تاني
عوزه أشوفك وأنت فاتح
للجميع باب الأماني
لو تشارك تبقى ابني
وأرفضك لو يوم أناني

شعر / فتحي زيادة

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى