ط
مسابقة الشعر العامى

كل بلاد الدنيا اخوات ..مسابقة العامية بقلم / رانيا مسعود من مصر

غنوة بالعامية للتقديم في مسابقة مهرجان مسابقات همسة الدولي للإبداع

رانيا مسعود

كل بلاد الدنيا اخوات

ليه إحنا ما نكونش أشقّا؟

ولو العالم في اختلافات

رح نتحمِّل كل مشقَّة

ابنِ لبُكرة حلم يكون

شجرة خير ووفاق ومحبَّة

نفشل ننجح مهما يكون

حبة بحبة الحلم هايبقى

وبلاش تيأس وتقول بُكرة

حلمك سيفك لازم يفضل

شُق طريقك امشِ وكافح

عَدِّ بقلبك وانتَ حتوصل

كلمة ومعنى حرف وجملة

وف أغانينا حاجة بتكبر

حاجة تقول للعالم انهض

ارفع راية الحق وكبَّر

ياما كلام اتقال واتغنى

وحتفضل أغانينا لبكرة

علشان يبقى العالم شاهد

لما نحقق نصر بفكرة

فكَّر جرَّب ليه الخوف؟

دا الخوف عمره ما يهزم قدرة

والقدرة وضعها لك ربك

اشكره، صلِّ يزيدك قدرة

وانتَ حتهزم كل العالم

مهما العالم قال لك: لأة!

** *** ** *** ** ***
الاسم: رانيا إبراهيم أحمد
اسم الشهرة: رانيا مسعود
العنوان: القاهرة 46 حارة الجداوي – الدرب الأحمر

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى