ط
مسابقة الشعر العامى

كيزان التين ..مسابقة الشعر العامى بقلم / محمد يوسف عبد الجواد

خاص بالمسابقة
شعر عامية
.
كيزان التين
.
لسه الحلم باقى
وبكره تدور السواقى
وأزرع البساتين
ومدام الأمل موجود
هيخضر تانى العود
وأجمع كيزان التين
وأكتب لحبيبتى موالى
وأقطف لها ف شالى
الفل والياسمين
وأجرى على دارها
وكل اللى يزورها
يقول زراعة مين
تقول زراعة حبيبى
يارب يكون نصيبى
ولسه متعاهدين
ولا عمره بكانى
ولا قلبه مرة جفانى
وجمع الهوى قلبين
وصبحنا قلب واحد
ولا قلبه كان جاحد
وازاى نكون إتنين
وأنا فى هواه عبلة
وعيون القلب مش قابلة
غير نقيب العاشقين
ولسه عندى أمانى
وهواه اللى خلانى
عندى يقين
ومدام قلبنا راضى
هندوس على الماضى
وننسى عذاب السنين
ياعبلة أنا جايلك
وفاكر جمايلك
دا أنت نور العين
وشامم العطر من عودك
وشايف الورد على خدودك
مفتح على الخدين
وفاكر التوتة والساقية
اللى هناك باقية
ومصلا لعم حسين
وقام صلى ودعالى
ولما سمع منى موالى
قال ياصلاة الزين
ولما تعدى يفج النور
وألاقينى بقيت مسرور
يقول إكتبلها شطرين
وبسمتك صافية
وحبك ساعدنى على القافية
وكتبتلك دواوين
ولسه ياما أغنيلك
وأجيب الشمع وأجيلك
دا حبك بيجرى فى الشراين
بقلمى
محمد يوسف عبدالجواد
مصر

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى