لاء مش هسامح
~~~~~~~~
لاء ما هسامح حد أغتالني
أو دمرني
خلا حياتي جحيم مش جنة
بعد ما قولنا بشوقنا سكرنا
كنت بصدق مش هنفارق
جدا ساذج …….
كنت بصدق كل كلامك
كلمة بكلمة و إني هيامك
مش هتخوني و تجرحى قلبي
بسهم الغدر و طبع الخسة
أيوه صحيح مشتاق و لكني
غصبا عني بموت م الحيرة
روحي أسيرة و بتقتلني
لكن لسه الشمس بتطلع
بسمع صوت الطير و أغاني
مين راح يخدع بعدك تاني ؟
لاء ما هصدق يوم ولا سامح
فعلا جارح و بتخدعني
إنك بالأشواق هتكون لي
بس دا ظني بفوق من وهمي
بفوق من غفوة كنت عايشها
أنت الكذبة و كنت حاسسها
لما زرعت الشك في قلبي
كنت أتوجع و احصد ذنبي
ضاع الحب و ضاع من أيدك
قلبي العاشق شاف مين غيرك
إرضي ضميرك و ابعد عني
و ارضي كمان لهفة إحساسك
صب في كاسك من سيل دمي
لازم تبقى الذكرى في عمري
عبرة لبكرة أتعلم منها
كل فنون اللعبة القذرة
لجل م قعش في يوم و أدمر
ولا أتحسر ……
زي ما كنت معاك مش أكتر
~~~~~~~~~~~~~
بقلم / رمضان العلالقة
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
