ط
مسابقة الشعر العامى

لساك بتحلم . مسابقة الشعر العامى بقلم / عمر حسن عمر امبابى . مصر


خاص بمسابقات همسة الدولية لعام 2018
شعر عامي
( لـسَّـاك بـتـحـلـم )
جـــانـي وقــالـلـي: يا ولـــد
لــِسَّـــاك بـتـحــلـم بالـــبـلـد
هِـــيـا بـهــــيـة حــــبِّــتــك
وللا الـدهـــب فـــيـدك ورد
وللا بـقـيـت ياواد وزيـــــر
وع الصفـوف لـيك يتحـشـد
فــيـن الـســرايا والقـصـور
وللا انـتَ خـايـف تـتحـسـد
كلـت يا واد كام لـيلة فـول
وللا بـقـاش يـفــرق عــدد
قوم يللا شوفاك حته نور
وبلاش يا واد تعمل أسد
سيبك خلاص من الشعور
كــل الـبـلاد بـقـيـت بـلــد
اِعمِل فلوس زي البحور
وعيش سعيد وانسى النكد
قـلـت: الحــبـيـبـة دنـيـتـي
خــير الـبلاد فـيها اتوجــد
لـو والـدتـك كانـت بـدور
تكـرها لـو نِـحـل الجـسـد
وللا أبــوك قـالـك تغــور
مش لاقي يُصرف م الكبد
هـتـهـمِّـلو وتقـول: بحور
بـيـني وبـيــنـك تـتـمــدد
وللا تبوس رجليه شهور
وتـقــوله: تـسـلم يا وتــد
هزرع غيطانك بالزهور
وهـبـقى لـيك الف سـنـد
بكرا هخلي الضلمة نور
يارب تـحـفـظ دي الـبـلد
عـمــر امــبـابي
الإسم بالكامل عمر حسن عمر امبابي
مصر – محافظة اسيوط

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى