ط
مسابقة الشعر العامى

لسايه يا وطني .مسابقة شعر العامية بقلم / علي المرسي رمضان من مصر

علي المرسي رمضان
رئيس تحرير جريدة مستقبل مصر

ايميل: [email protected]
>>>>>>>>>>>>>>>>>>>>>>>>>>>>>>>>>>>>>>
قصيدة بعنوان : ولسه بحلم يا وطن (( شعر العامية))

لسايه يا وطني

بكتب ملايين الحكايات الحزينة

لسايه برسم فوق جبين الصبح احلامي

لسايه بحلم ياوطن

انك تكون فوق جبين الضلمة نور

فوق عذابات السنين بلسم

بلسم يداوي المجروحين

لسايه بحلم ياوطن

انك تكون حضن الحياري المشتاقين

وانك تكون اخر محطات الوصول

وانك تكون البحر والمينا

وانك تكون الشط والمرسي

وانك تكون الارض والمنفي

وانك تكون الطيبة والقسوة

وانك تكون الصحو والاعصار

لسايه بحلم ياوطن

انك تكون ارض الامان

وانك تكون مهد السلام

واني اكون ابنك حقيقي مش خيال

واني اكونلك سيف

واني اكونلك صيف

واني اكونلك أي حاجة والسلام

لسايه بحلم ياوطن

انك تثور وتعلن الرفض الاكيد

علي كل حاجة معششة جواك

بيرفضها الضمير!

لسايه بحلم يا وطن احلام كتير

متحققتش

ولسه بحلم يا وطن

نفك اسرك يا وطن

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى