ط
الشعر والأدب

لما اقول انا نفسي ابقى ..قصيدة بقلم / محمد سيد

محمد سيد

لما اقول
انا نفسي ابقى
يبقي احدد
زى مين
لاجل اكون
اخر المسابقه
من اللى كانو
كسبانين
والحقيقه انا
نفسي ابقى
زى ناس
من المبدعين
زى رامى
زى شوقى
زى عم
صلاح جاهين
.
ابقي شاعر
لما اكتب يوم
قصيده
تبقي هى
ترجمه لكل
اللى فيا
واللى حاسه
من مشاعر
والقصيده
تكون قويه
وتكون غنيه
بالمعانى
ويكون هدفها
النصيحه والافاده
مش كلام
قايله لسانى
لما تسمعها
الجريحه
تطيب جروحها
وف ثوانى
وتكون بسيطه
تكون بسيطه
لاجل تفهمها
الغلابه
واللى مالهاش
ف القرايه
واللي معرفتش
الكتابه
وتكون مهمه
وتكون ملمه
بالظروف المحيطه
البطاله والكساله
وكمان تشوف
النشيطه
وبالتاريخ
تقدر تحدد
فين مكانا
على الخريطه
ويبقي فيها
زمان بلدنا
واللى جاى
من جيل
ولادنا
كمان تعرف
مين جدودنا
حتى لو كان
فى فساد
تبقى حاكيه
عن فسادنا
عمر ده
مايبقى عيب
ده اللىى كاتب
مش غريب
ولو كل واحد
راح يسيب
الفساد من غير
ماحتى يقول عليه
عمر الفساد
ما راح يروح
ولا الجروووح
ممكن تطيب
دى القصيده
اللى تبقي صحيح
مفيده
واللى فيها قلمى
يكتب
الكلام من غير ما
يشطب
بس انا على قلمى
بشرط
النهايه تكون سعيده

 

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى